Kryetari i LDK-së, Lumir Abdixhiku ka njoftuar se kjo parti nuk do të marrë pjesë në seancën e sotme për presidentin e cila nis në orën 17:00, njofton Klankosova.tv.
Sipas tij, kjo seancë është “show propagandues i VV-së”.
“Nuk marrim pjesë në seancë”, ka thënë kreu i LDK-së para mediave, njofton Klankosova.tv.
Bazuar në afatin e Gjykatës Kushtetuese, deputetët vetëm deri nesër kanë kohë të zgjedhin presidentin e ri, sepse në të kundërtën, vendi shkon në zgjedhje.
Presidenti i ShBA-së, Donald Trump, deklaroi se “nuk ishte i shqetësuar” ndërsa po evakuohej nga Darka e Korrespondentëve të Shtëpisë së Bardhë, pasi një person i armatosur u përpoq të sulmonte sallën e vallëzimit.
“Nuk isha i shqetësuar. E kuptoj jetën. Jetojmë në një botë të çmendur”, tha Trump gjatë një interviste me programin 60 Minutes të CBS News, një ditë pas të shtënave në një hotel në Uashington DC të shtunën në mbrëmje, shkruan BBC, transmeton Klankosova.tv.
Media amerikane e emëroi Cole Tomas Allen, 31 vjeç, si të dyshuarin, i cili u arrestua pasi policia tha se ai hapi zjarr pranë një pike kontrolli sigurie gjatë eventit. Ai do të paraqitet në gjykatë të hënën.
Task-forca e FBI-së për hetimin penal dhe terrorizmin po heton incidentin.
Prokurori i Përgjithshëm i ShBA-së, Todd Blanche, tha se i dyshuari “ka të ngjarë” të ketë synuar zyrtarë të lartë të Shtëpisë së Bardhë të pranishëm, bazuar në gjetjet “paraprake”, duke shtuar se motivi i personit të dyshuar të armatosur është ende nën hetim.
Të hënën pritet të mbajë mot me diell dhe vranësira të shpërndara.
Temperaturat minimale, sipas Institutit Hidrometeorologjik do të lëvizin ndërmjet 1 dhe 3 gradë Celsius, ndërsa ato maksimale pritet të arrijnë nga 18 deri në 21 gradë Celsius.
Do të fryjë erë nga drejtimi i veriperëndimit me shpejtësi prej 1 deri në 5 metra në sekondë.
Kuvendi i Kosovës sot do të mblidhet për të zhvilluar dy seanca.
Me fillim nga ora 09:00, të zgjedhurit e popullit bëhen bashkë për ta nderuar akademikun e ndjerë, Rexhep Qosjen.
Ndërsa nga ora 12:00 Parlamenti do të mbajë seancë të rregullt plenare.
Federata e Futbollit e Kosovës ka bërë të ditur se janë duke monitoruar në mënyrë të vazhdueshme të gjitha ndeshjet e kampionatit, duke theksuar përkushtimin maksimal për ruajtjen e integritetit të garave.
Në funksion të transparencës dhe informimit të drejtë të opinionit publik, si dhe në përgjigje të interesimit të mediave lidhur me deklaratat e fundit të disa zyrtarëve të klubeve në rrjete sociale, Federata e Futbollit e Kosovës, përkatësisht Komisioni i Integritetit të Garave dhe Komisioni i Garave, sqarojnë si në vijim:
“Federata e Futbollit e Kosovës monitoron në mënyrë të vazhdueshme jo vetëm këtë xhiro, por të gjitha ndeshjet e kampionatit. Paralelisht, ekziston edhe një organizatë e kontraktuar nga UEFA, e cila përmes mekanizmave të saj të specializuar bën monitorimin dhe analizimin e ndeshjeve për çështje që lidhen me integritetin”.
“Brenda FFK-së funksionon Komisioni i Integritetit të Garave, ku për çdo ndeshje angazhohen përfaqësues të këtij komisioni me qëllim të mbikëqyrjes dhe raportimit të çdo situate potenciale që mund të cenojë integritetin e garës”.
“Federata e Futbollit e Kosovës është e përkushtuar maksimalisht për ruajtjen e integritetit të garave dhe nuk toleron asnjë formë të manipulimit të ndeshjeve apo ndikimit të paligjshëm në rezultatet sportive”, thuhet në reagimin e FFK-së.
Lidhur me deklaratat publike të bëra nga zyrtarë të klubeve, FFK ka njoftuar se do t’i trajtojë ato me seriozitet të plotë dhe në përputhje me rregulloret në fuqi, do të iniciojë procedura disiplinore përkatëse, dhe sigurisht në bazë të kësaj do të përfshihen për të hetuar rastin edhe institucionet relevante, si Policia e Kosovës dhe organet tjera në kuadër të Këshillit Kombëtar për Parandalimin dhe Sanksionimin e Dhunës dhe Dukurive Negative në Ngjarjet Sportive, institucione të cilat tashmë janë të njoftuara.
Po ashtu, FFK ka njoftuar se është në komunikim të vazhdueshëm me mekanizmat përkatës të UEFA-s, të cilët kanë qenë në dijeni për deklaratat e tilla, ndërsa ndeshjet në fjalë kanë qenë dhe mbeten të monitoruara.
“Megjithatë, ritheksojmë se shpeshherë në opinion qarkullojnë fjalë e deklarata për arsye të ndryshme, me qëllim dëmtimi i imazhit të njërit apo tjetrit klub, por edhe dëmtim të imazhit të përgjithshëm të futbollit të Kosovës, andaj ftojmë të gjithë ata që bëjnë pretendime publike që të paraqiten pranë organeve kompetente me fakte dhe dëshmi konkrete. Vetëm në bazë të provave të qëndrueshme mund të ndërmerren veprime konkrete dhe të garantohen procese të drejta”.
“Federata e Futbollit e Kosovës garanton se çdo individ apo klub që vërtetohet se është i përfshirë në manipulim të ndeshjeve apo cenim të integritetit të garave do të përballet me masa të rrepta disiplinore, deri në përjashtim nga të gjitha garat, në përputhje me legjislacionin në fuqi dhe rregulloret e FFK-së, si dhe normativat e UEFA-s dhe FIFA-s”.
“Rikujtojmë se të gjitha klubet pretendente për pjesëmarrje në garat ndërkombëtare janë nën monitorim të vazhdueshëm, duke qenë se UEFA nuk lejon përfshirjen në garat e saj të ekipeve që cenojnë integritetin e ndeshjeve”.
“FFK fton gjithashtu çdo person që posedon informata të besueshme lidhur me raste të tilla që t’i paraqesë ato pranë organeve kompetente, përfshirë Prokurorinë e Shtetit, teksa me rëndësi të veçantë do të ishin dëshmitë e drejtpërdrejta nga pjesëmarrësit apo akterët e ndeshjeve”.
“Federata e Futbollit e Kosovës, së bashku me të gjitha organet e saj, mbetet e përkushtuar maksimalisht për ruajtjen dhe avancimin e integritetit të garave, si dhe për ta çuar futbollin në nivel sa më të lartë, por edhe sa më të drejtë, transparent dhe në përputhje me standardet më të larta ndërkombëtare”, thuhet në reagimin e FFK-së.
Presidenti i Shteteve të Bashkuara, Donald Trump, ka thënë se një incident me të shtëna në një ngjarje në Uashington, ku ai po merrte pjesë, nuk do ta ndalojë atë nga fitimi i luftës me Iranin.
Megjithatë, ai shtoi se nuk beson se incidenti lidhet me konfliktin në Lindjen e Mesme.
“Nuk do të më ndalojë nga fitimi i luftës në Iran”, tha Trump në një konferencë për shtyp natën e 25 prillit, rreth 40 minuta pas të shtënave me armë zjarri në darkën e Shoqatës së Korrespondentëve të Shtëpisë së Bardhë në një hotel në Uashington.
“Nuk e di nëse kishte ndonjë lidhje me këtë. Sinqerisht, nuk besoj, bazuar në atë që dimë”, tha Trump.
Shkruan: Smajl Latifi
Drenoci ishte pikënisja e UÇK-së për Zonën Operative të Pashtrikut, prej ku do të dilnin shumë heronj e dëshmorë trima, që do të sakrifikoheshin për lirinë e Kosovës.
Kushtrimit të lirisë nga Drenica e Adem Jasharit e Ahmet Delisë dhe e Shaban Polluzhës, iu përgjigjën djemtë e Haradinajve të Gllogjanit e të Dukagjinit, flakë për flakë më 24 mars 1998, ndërsa djemtë e Anadrinisë u bashkuan me jehonën e pushkëve të lirisë më 26 prill të vitit 1998, pikërisht këtu në Drenocin historik. Jehonës së pushkës së Mensur Zyberajt të vëllëzërve Bedrush e Feim Gashi, Milaim Krasniqi, Ilmi Morina, Gani Paçarizi, Toni dhe Mici, Mizahiri, Bekim Gashi e Dalip Behra, Fitim Duraku, Enver Duraku, Ismail Gashi, Milaimi dhe Xhevdeti, Bekim Sylka e Gëzim Hamza, Tafil Zyberaj, Esherefedin Kastrati, Sakip Bellaqa, Përparim Thaçi, Naser Krasniqi, Sahit Krasniqi, Safet Latifi, Visar Hoti, Isuf Berisha dhe shumë e shumë të tjerë nga Rahoveci e tërë Anadrini si dhe nga ZO e Pashtrikut, iu bashkuan dhjetëra e mijëra djem dhe vajza, duke i vënë gjokset e tyre në mbrojtje të atdheut. Flaka e lirisë shumë shpejtë do të përhapej gjithandej në Anadrini e kudo, ku kishte kohë që po vepronin grupe të fshehta të organizuara çlirimtarësh. Pikërisht në këtë vend u projektua edhe marrëveshja për bashkimin e potencialeve njerëzore e luftarake ndërmjet UÇK-së e LKÇK-së, ku kontribut të madh ka dhënë përfaqësuesi udhëheqës i LKÇK-së, Sabit Gashi si dhe luftëtari i madh, tashmë heroi i kombit Fehmi Lladrovci.
Përkundër faktit se ishim shumë të pabarabartë me armikun, shumë herë më të pajisur, kulmoi guximi ynë për të luftuar e sakrifikuar për jetë më të dinjitetshme në liri. Lufta jonë çlirimtare mori përmasa kombëtare dhe s’kishte si të ishte ndryshe, sepse shqiptarët ndiejnë të njëjtën dashuri për atdheun, pavarësisht se ku jetojnë. Bijat dhe bijtë e këtij vendi u rreshtuan në radhët e UÇK-së dhe në forma të ndryshme kontribuuan për të mirën e përgjithshme.
Dalja e UÇK-së më 26 prill e më pas beteja e parë frontale në Anadrini, e fituar në ditën e 12 majit dhe e ajo 14 majit, si dhe betejat që pasuan, i dhanë kësaj lufte tjetër dimension.
Toka “u stolis me varre”, por nga ai gjak mbinë filizat e shpresës që do të japin frutat e ëmbla të lirisë që po i shijojmë sot.
Ngjarje si kjo na bëjnë të ndihemi krenarë që i takuam asaj epoke të lavdishme, epokë që ndryshoi historinë, jo vetëm atë shqiptare, por edhe hartën e botës. Prandaj, duhet ta nderojmë e kujtojmë lavdinë e atyre që ranë në fushëbeteja për lirinë e kësaj cope të atdheut tonë të ndarë.
I paharruar për jetë e mot, 26 prilli i vitit 1998!
Lavdi dhe nderime përjetësisht heronjve, dëshmorëve dhe martirëve!
Pushimet nuk janë luks, por nevojë për shëndetin mendor dhe fizik. Sipas studimeve në fushën e psikologjisë dhe mirëqenies, marrja e pushimeve të rregullta gjatë vitit ndihmon ndjeshëm në uljen e stresit, përmirësimin e humorit dhe rritjen e produktivitetit.
Ekspertët sugjerojnë se 2 deri në 3 pushime në vit, edhe nëse janë të shkurtra, janë më efektive sesa një pushim i vetëm i gjatë. Arsyeja është se efektet pozitive të pushimeve zakonisht zgjasin disa javë, ndaj ndarja e tyre gjatë vitit mban nivelin e stresit më të ulët për një kohë më të gjatë, transmeton Klankosova.tv.
Po ashtu, studimet tregojnë se edhe pushimet e shkurtra të fundjavës apo “mini-arratisjet” ndihmojnë në rikuperimin mendor, sidomos nëse shoqërohen me shkëputje reale nga puna.
Planifikimi i pushimeve gjatë gjithë vitit mund të jetë një nga mënyrat më të thjeshta dhe efektive për të menaxhuar stresin.
Ushtruesja e detyrës së presidentes së Kosovës, Albulena Haxiu ka reaguar pas sulmit të ndodhur në Darkën e Korrespondentëve të Shtëpisë së Bardhë në Uashington.
Në reagimin e saj, Haxhiu shprehu solidaritet me popullin amerikan dhe lehtësim që presidenti Trump, Zonja e Parë dhe të gjithë të pranishmit janë jashtë rrezikut.
“Pas sulmit shqetësues në Darkën e Korrespondentëve të Shtëpisë së Bardhë, jemi pranë popullit amerikan. Të lehtësuar që Presidenti Trump, Zonja e Parë dhe të gjithë të pranishmit janë të sigurt. Zyrtarit të plagosur i urojmë shërim të plotë dhe qëndrojmë pranë Shteteve të Bashkuara në këtë moment të vështirë”, thuhet në reagimin e U.d. presidentes.
Qeveria e Kosovës ka njoftuar se ka zhvilluar sot një mbledhje elektronike.
Në këtë mbledhje, ekzekutivi ka miratuar vendimin për ndryshimin dhe plotësimin e vendimit për emërimin e anëtarëve të Komisionit për Dhënien e Provimit të Jurisprudencës.
“Qeveria e Republikës së Kosovës, ka zhvilluar sot mbledhje elektronike, në të cilën ka:Miratuar vendimin për ndryshimin dhe plotësimin e Vendimit të Qeverisë nr.24/11, të datës 20 prill 2026, për emërimin e anëtarëve të Komisionit për Dhënien e Provimit të Jurisprudencës”, thuhet në komunikatën për media.
Portali i lajmeve Objektivi.net u themelua në dhjetor të vitit 2023. Objektivi.net ofron lajme e informacione objektive dhe analiza vendore e ndërkombëtare. Materialet dhe informacionet në këtë portal nuk mund të kopjohen, të shtypen ose të përdoren në çfarëdo forme tjetër për qëllime përfitimi. Kjo uebfaqe mirëmbahet dhe menaxhohet nga Objektivi.net Email: objektivi.net@gmail.com
© Objektivi Theme by Parrotumi