Ministria e Kulturës dhe Turizmit ka njoftuar se plani ofron një kornizë strategjike për mbrojtjen, menaxhimin dhe zhvillimin e qëndrueshëm të Qendrës Historike të Prishtinës, duke kontribuar në ruajtjen e trashëgimisë së saj kulturore dhe njëkohësisht në forcimin e identitetit të saj unik urban.

“I hartuar përmes një procesi bashkëpunues dhe gjithëpërfshirës, me pjesëmarrjen e institucioneve, ekspertëve, akterëve relevantë dhe komuniteteve lokale, Plani pasqyron një vizion të përbashkët për të ardhmen e Qendrës Historike të Prishtinës”.

“Ky rezultat është arritur në kuadër të projektit “Integrimi i Trashëgimisë Kulturore në Planifikim Hapësinor”, bashkëfinancuar nga Ministria e Kulturës dhe Turizmit dhe zbatuar nga UN-Habitat Kosova në kuadër të Programit për Zhvillim Gjithëpërfshirës, i financuar nga Qeveria e Suedisë”, ka njoftuar kjo ministri.