Al Hilal po avancon me hapa të mëdhenj drejt transferimit të Gabriel Martinellit nga Arsenali.

Klubi saudit ka zhvilluar negociata të drejtpërdrejta me “Topçinjtë” dhe bisedimet mes dy klubeve kanë hyrë në fazën finale.

Sipas raportimeve të fundit, në tavolinë është diskutuar një shumë prej rreth 50-55 milionë funteve, ndërsa Arsenali është i gatshëm ta pranojë këtë ofertë dhe të lejojë largimin e brazilianit.

Tashmë fokusi është zhvendosur te kushtet personale të lojtarit. Martinelli duhet të marrë vendimin përfundimtar për të ardhmen e tij, me Al Hilal që po tenton ta bindë për një aventurë të re në Arabinë Saudite.

25-vjeçari ka humbur hapësirën në formacionin e Mikel Artetës dhe e ardhmja e tij në “Emirates” është vënë seriozisht në dyshim. Arsenali është i hapur për shitjen e tij, ndërsa negociatat me Al Hilal vazhdojnë./Klankosova.tv