Komisioni Parlamentar për Çështjet e Sigurisë dhe Mbrojtjes vizitoi Ministrinë e Mbrojtjes dhe Forcën e Sigurisë së Kosovës, ku u prit nga Ministri i Mbrojtjes, z. Ejup Maqedonci, dhe Komandanti i FSK-së, Gjenerallejtënant Bashkim Jashari.

Gjatë takimit u diskutua për zhvillimet në Ministrinë e Mbrojtjes dhe FSK, procesin e transformimit dhe modernizimit të kapaciteteve mbrojtëse, si dhe për prioritetet strategjike, sfidat dhe planet zhvillimore, duke theksuar rëndësinë e bashkëpunimit institucional dhe mbikëqyrjes parlamentare në forcimin e sektorit të mbrojtjes dhe sigurisë së Republikës së Kosovës.

Ministri i Mbrojtjes dhe Komandanti i FSK-së falenderuan Komisionin Parlamentar për Çështjet e Sigurisë dhe Mbrojtjes për bashkëpunimin profesional dhe mbështetjen e vazhdueshme për Forcën e Sigurisë së Kosovës.

Palët vlerësuan rëndësinë e bashkëpunimit institucional dhe mbikëqyrjes parlamentare në funksion të forcimit të sektorit të mbrojtjes dhe sigurisë së Republikës së Kosovës.