Kryetarja e Kuvendit të Republikës së Kosovës, Albulena Haxhiu, priti sot në takim drejtorin ekzekutiv të Institutit të Krimeve të Kryera Gjatë Luftës në Kosovë, Atdhe Hetemi, i cili më dorëzoi raportin vjetor të punës së Institutit.

Gjatë takimit drejtori Hetemi e njoftoi Kryetaren Haxhiu për punën e Institutit këtë vit, me theks të veçantë në procesin e verifikimit të të dhënave për secilën viktimë, në bazë të të cilave u hartua lista preliminare e viktimave të luftës, e publikuar në korrik.

Kryetarja e Kuvendit u shprehu drejtorit Hetemi dhe gjithë stafit të Institutit mirënjohje për profesionalizmin dhe për kujdesin me të cilin e trajtojnë çdo emër dhe çdo dëshmi.

“Për herë të parë, institucionet e Republikës së Kosovës i kanë regjistruar viktimat e luftës një nga një, duke u mbështetur në dokumente dhe dëshmi të verifikuara. Përballë mohimit të krimeve nga Serbia, ky dokumentim i saktë është përgjigjja jonë më e fuqishme. Kuvendi i Republikës së Kosovës, i cili miratoi ligjin për themelimin e Institutit, do të vazhdojë ta mbështesë punën e tij”, theksoi Kryetarja Haxhiu.