Përzgjedhësi i Kombëtares së Kosovës, Franco Foda, ka deklaruar se skuadra është e gatshme për përballjen ndaj Izraelit, ndërsa ka bërë të ditur se në stërvitjen e fundit fokusi do të jetë te aspekti taktik.

Në deklaratën e tij, Foda ka konfirmuar se për këtë ndeshje nuk do të mund të llogarisë në Dellovën dhe Krasniqin.

Megjithatë, ai është shprehur optimist, duke theksuar se Kosova ka futbollistë të mjaftueshëm në dispozicion dhe besim të plotë te secili prej tyre.

Sipas Fodës, mungesat mund të sjellin edhe ndonjë befasi në formacionin e Kosovës për këtë përballje.

Kombëtarja e Kosovës ndeshjen kundër Izraelit do ta zhvillojë të shtunën, në stadiumin “Fadil Vokrri”, me fillim nga ora 15:00.