Futbollisti i Kombëtares së Kosovës, Dion Gallapeni, ka vlerësuar atmosferën pozitive në ekip para dy ndeshjeve të radhës.

Ai ka thënë se lojtarët e rinj kanë sjellë energji pozitive brenda grupit, ndërsa seancat stërvitore kanë kaluar shumë mirë, me intensitet dhe motivim të madh.

Gallapeni ka theksuar se futbollistët janë të vetëdijshëm për rëndësinë e këtyre dy përballjeve dhe po përgatiten maksimalisht për to.

Kombëtarja e Kosovës ndeshjen kundër Izraelit do ta zhvillojë të shtunën, në stadiumin “Fadil Vokrri”, me fillim nga ora 15:00.