Pas publikimit të një videoje në të cilën shihet një veturë duke kryer tejkalim në vijë të plotë, zyrtarët policorë të stacionit në Podujevë kanë ndërmarrë veprimet e nevojshme, me ç’rast kanë arritur të identifikojnë shoferin e automjetit.

Ndaj shoferit është shqiptuar gjobë për kundërvajtjen e kryer, në përputhje me legjislacionin në fuqi, me këto masa:

Gjobë në vlerë prej 200 euro;
2 pikë negative;
Masë mbrojtëse – ndalim i drejtimit të automjetit për tre muaj.

Policia e Kosovës apelon tek të gjithë pjesëmarrësit në trafik që të respektojnë rregullat e komunikacionit.