Në fshatin Bare është vendosur gurthemeli i fushës së tretë sportive multifunksionale, duke përmbyllur kështu ceremoninë e vënies së gurthemeleve për tri fusha sportive gjatë ditës së sotme.
Në këtë ceremoni morën pjesë kryetari i Komunës, Faton Peci, ministri i Sportit dhe Rinisë, Blerim Gashani, nënkryetari Enis Osmani, drejtori i Drejtorisë për Kulturë, Rini dhe Sport, Gazmend Asllani, si dhe sekretari i Ministrisë së Sportit dhe Rinisë, Lendrit Iljazi.
Kryetari Peci ka falënderuar ministrin Gashani për mbështetjen e sportit në Mitrovicë, duke theksuar rëndësinë e këtyre investimeve për zhvillimin e infrastrukturës sportive dhe krijimin e kushteve më të mira për të rinjtë dhe sportistët.

