HomeAktualeFejzullah Krasniqi zgjidhet kryetar i Akademisë së Shkencave dhe të Arteve të...

Fejzullah Krasniqi zgjidhet kryetar i Akademisë së Shkencave dhe të Arteve të Kosovës

spot_img

Akademik Fejzullah Krasniqi është zgjedhur kryetar i Akademisë së Shkencave dhe të Arteve të Kosovës (ASHAK), në mbledhjen e sotme të Kuvendit të këtij institucioni.

Krasniqi mori 19 vota pro nga gjithsej 29 vota, duke siguruar kështu drejtimin e institucionit më të lartë shkencor dhe artistik në vend.

Akademia ka bërë të ditur se Krasniqi është personalitet i shquar i shkencës dhe arsimit të lartë, me një veprimtari të gjatë akademike, kërkimore dhe institucionale, veçanërisht në fushën e inxhinierisë mekanike, termodinamikës dhe energjetikës.

I lindur në vitin 1953 në Tygjec të Kamenicës, ai përfundoi studimet në Fakultetin e Inxhinierisë Mekanike të Universitetit të Prishtinës në vitin 1977, ndërsa doktoratën e përfundoi në vitin 1988.

Gjatë karrierës së tij akademike, Krasniqi ka botuar 105 punime shkencore, tetë tekste universitare dhe gjashtë vepra monografike.

Ai ka ushtruar gjithashtu funksione të rëndësishme drejtuese, përfshirë dy mandate si dekan dhe dy si prodekan i Fakultetit të Inxhinierisë Mekanike, si dhe ka qenë kryesues i Senatit të Universitetit të Prishtinës në vitin 2009.

Në ASHAK, ai u zgjodh anëtar korrespondent në vitin 2008 dhe anëtar i rregullt në vitin 2012. Nga dhjetori i vitit 2025, mbante pozitën e nënkryetarit të Akademisë.

Për kontributin e tij akademik dhe shkencor, Krasniqi është nderuar me disa çmime dhe mirënjohje, përfshirë titullin Doctor Honoris Causa nga Universiteti Politeknik i Tiranës në vitin 2015 dhe titullin “Qytetar Nderi” të Komunës së Kamenicës në vitin 2025.

Akademia e Shkencave dhe e Arteve e Kosovës i ka uruar Krasniqit shëndet dhe suksese në ushtrimin e detyrës së re.

Lajmet e Fundit

Vendoset gurthemeli i fushës së tretë sportive multifunksionale në Bare

Në fshatin Bare është vendosur gurthemeli i fushës së tretë sportive multifunksionale, duke përmbyllur...

Për çështje familjare, Jakup Krasniqi vjen në Kosovë

Ish-kryetari i Kuvendit të Kosovës dhe njëri nga ish-drejtuesit e Ushtrisë Çlirimtare të Kosovës,...

Kosova si fuqi globale e xhudos!

Në kuadër të International Strategy Forum Kosova 2026, u zhvillua paneli “Kosova as a...

Albert Krasniqi për Gjykatën Speciale: Është pikërisht ajo që tha Thaçi, politikë

Albert Krasniqi nga “Demokracia Plus”, ka kritikuar Gjykatën Speciale, duke thënë se është organizatë...

Më të lexuarat

Kosova dhe ripërballja me krizën energjetike

Shkruan: Ethem Çeku Ripërsëritja e krizave energjetike në Kosovë pasqyron dobësi strukturore dhe gabime të...

Nga reforma territoriale te decentralizimi real në Shqipëri 

Shkruan: Besnik Tahiri Qëndrim këshillues për fazën e ardhshme të reformës së pushtetit vendor në...

SPECIALJA, NDRYSHIM I LIGJIT APO ZHBËRJE E SAJ?

Shkruan: Hisen Berisha Çështja që është ngritur pas aktgjykimit të 16 shtatorit 2026 nuk mund...