Muzeu i Artit Bashkëkohor i Kosovës është anëtarësuar në NEMO – Network of European Museum Organisations dhe në Balkan Museum Network, duke shënuar një hap të rëndësishëm drejt bashkëpunimit ndërkombëtar dhe zhvillimit profesional.

Si institucion i ri publik, muzeu synon të ndërtojë një hapësirë të hapur dhe gjithëpërfshirëse për promovimin e artit bashkëkohor, edukim dhe hulumtim. Lokacioni i muzeut tashmë është përcaktuar në ndërtesën historike Rilindja në Prishtinë, ndërsa objekti pritet të kalojë në fazën e rinovimit.

Ky zhvillim i hap muzeut mundësi konkrete për bashkëpunime, shkëmbim përvojash dhe avancim të kapaciteteve profesionale që në fazat e para të tij.