Ambasadori i Britanisë së Madhe në Kosovë, Jonathan Hargreaves, ka ndarë entuziazmin nga festivali Sunny Hill ku ata kanë këndin e tyre të posaçëm.

Hargreaves madje njoftoi se këtë ngjarje pos që po e shijojnë fëmijët e tij, të njëjtën gjë po e bëjnë edhe shoqëria e tyre që kanë ardhur për herë të parë.

“Nga elementet ikonike britanike te muzika e shkëlqyer dhe energjia e festivalit, ka qenë kënaqësi të shohim kaq shumë njerëz që ndalen pranë nesh, bëjnë fotografi dhe festojnë së bashku me ne miqësinë mes Mbretërisë së Bashkuar dhe Kosovës”, ka shkruar ai ne Facebook.

“I lumtur ta përjetoja këtë përvojë së bashku me fëmijët e mi dhe miqtë e tyre, të cilët po vizitojnë Kosovën për herë të parë, duke shijuar gjithçka që festivali ka për të ofruar”.