Sot u bë hapja solemne e Edicionit të Dytë të Panairit të Gruas, organizuar nga Oda Ekonomike e Kosovës, me mbështetjen e Qeverisë Gjermane përmes GIZ Kosova.

Ky edicion i panairit u fokusua në promovimin e grave sipërmarrëse në sektorin e përpunimit të ushqimit dhe punimeve artizanale, duke mbledhur pjesëmarrëse nga të gjitha rajonet e Kosovës. Në panair morën pjesë anëtare të shoqatave të ndryshme të grave, si dhe anëtare të Shoqatës së Grave të Odës Ekonomike të Kosovës, të cilat prezantuan produkte vendore me cilësi të lartë, kreativitet dhe traditë.

Panairi shërben si një platformë e rëndësishme për promovimin e sipërmarrjes së grave, krijimin e mundësive të reja për bashkëpunim, rrjetëzim dhe zgjerim të qasjes në treg.

Oda Ekonomike e Kosovës mbetet e përkushtuar në mbështetjen e grave në biznes dhe në krijimin e mundësive që kontribuojnë në fuqizimin e tyre ekonomik dhe zhvillimin e qëndrueshëm të ekonomisë së vendit.

Falënderojmë të gjitha pjesëmarrëset, partnerët dhe vizitorët që kontribuan në suksesin e këtij organizimi, si dhe GIZ Kosova për mbështetjen e vazhdueshme në realizimin e kësaj nisme.