Presidenti i Federatës së Futbollit të Kosovës (FFK), Agim Ademi, ka ndjekur nga afër gjysmëfinalen e Kupës së Botës 2026 ndërmjet Anglisë dhe Argjentinës.

Përmes një postimi në rrjetet sociale, Ademi e cilësoi atmosferën në stadium si të jashtëzakonshme, duke bërë të ditur se ndeshjen po e ndjek së bashku me zëvendëspresidentin e UEFA-s, Armand Duka.

“Atmosferë e jashtëzakonshme në gjysmëfinalen e Kupës së Botës 2026, ndërmjet Anglisë dhe Argjentinës. Kënaqësi ta ndjek këtë spektakël të futbollit botëror së bashku me zëvendëspresidentin e UEFA-s, Armand Duka”, ka shkruar Ademi.

IAi theksoi se ndeshje të këtij niveli rikonfirmojnë fuqinë që ka futbolli për të bashkuar njerëzit, për të zgjuar emocione dhe për të frymëzuar breza të tërë.