FC Malisheva ka zyrtarizuar transferimin e Rimal Haxhiut, i cili është bërë pjesë e klubit malishevas.
Haxhiu i bashkohet skuadrës me përvojë nga futbolli shqiptar dhe ai gjerman. Gjatë karrierës së tij, ai ka mbrojtur ngjyrat e Dinamos, Kukësit dhe së fundmi të KF Tiranës, ku ka bartur edhe shiritin e kapitenit.
“Ju njoftojmë se Rimal Haxhiu është zyrtarisht pjesë e klubit tonë. Haxhiu vjen me një eksperiencë të pasur nga futbolli shqiptar dhe ai gjerman”, ka njoftuar FC Malisheva.
Klubi malishevas i ka uruar mirëseardhje Haxhiut: “Mirë se vjen, Rimal Haxhiu!”