Mijëra qytetarë morën pjesë të enjten në protestën e radhës të thirrur nga platforma qytetare “Liria ka emër”, në Prishtinë, për të kundërshtuar aktgjykimin e Gjykatës Speciale ndaj ish-krerëve të UÇK-së.
Qytetarët, përmes kësaj proteste, kërkuan edhe një herë lirimin e ish-krerëve të UÇK-së, duke shprehur mbështetjen e tyre për ish-pjesëtarët e Ushtrisë Çlirimtare të Kosovës.
Protesta u zhvillua në qendër të Prishtinës, ku qytetarët mbanin flamuj kombëtarë e të Kosovës, si dhe pankarta me mesazhe në përkrahje të ish-krerëve të UÇK-së.
Në mesin e protestuesve kishte qytetarë të moshave të ndryshme, të cilët u bënë bashkë për të përcjellë mesazhin e tyre kundër vendimit të Gjykatës Speciale.