Këngëtari i njohur Ylli Limani i është bashkuar thirrjes për pjesëmarrje në Marshin për Liri, që do të mbahet më 12 shtator, nga ora 14:00, në sheshin “Skënderbeu” në Prishtinë.

Përmes një mesazhi publik, Limani ka ftuar qytetarët që të bashkohen në marsh, duke përcjellë mesazhin:

“Më 12 shtator marshojmë për lirinë. Marshojmë për UÇK-në.”

Thirrja e tij i bashkohet mbështetjes së gjerë që po vjen nga artistë, figura publike, organizata, klube sportive, bashkësi fetare, familje të dëshmorëve, veteranë, biznese dhe qytetarë nga mbarë Kosova në prag të 12 shtatorit.

Marshi për Liri organizohet në mbështetje të Hashim Thaçit, Kadri Veselit, Jakup Krasniqit dhe Rexhep Selimit, si dhe në mbrojtje të vlerave dhe historisë së luftës së Ushtrisë Çlirimtare të Kosovës.

12 shtator | Ora 14:00 | Sheshi “Skënderbeu”, Prishtinë

Kosova po pret. Më 12 shtator, marshojmë për UÇK-në.