Vazhdimi i seancës konstituive u ndërpre të premten, pasi Ardian Gola nga Lëvizja Vetëvendosje u zgjodh në postin e nënkryetarit, por jo edhe e propozuara e Partisë Demokratike të Kosovës, Vlora Çitaku. Deputetët e PDK-së lëshuan sallën dhe paralajmëruan se do t’i drejtoheshin Gjykatës Kushtetuese.

Vazhdimi i seancës së ndërprerë është caktuar për në orën 14:00.

LVV-ja tha se voton nga një kandidat nga PDK-ja dhe Lidhja Demokratike të Kosovës për postin e nënkryetarit, por tha se nuk voton persona “që duan ta çojnë vendin në zgjedhje”. Arbërie Nagavci nga LVV-ja tha se pret që PDK të bëjë propozimin e ri për postin e nënkryetarit, teksa nga LDK-ja tha se nuk kanë përkrahjen as për të propozuarin e tyre, Kujtim Shala.