Kryeministri në detyrë i Kosovës, Albin Kurti, ka reaguar pas zgjedhjes së Justina Shiroka-Pulës presidente të re të Republikës së Kosovës.
Kurti, përmes një postimi, ka thënë se me zgjedhjen e presidentes së re, Kosova ka institucione stabile.
Ai ka përmendur edhe miratimin e ndryshimeve në ligjin për Dhomat e Specializuara dhe Prokurorinë e Specializuar në Hagë, duke deklaruar se do të punohet bashkë për suksesin e ish-krerëve të UÇK-së në procesin e apelit.
“Republika ka presidente të re, profesoreshën Justina Shiroka-Pula, Kosova ka institucione stabile.
Kemi edhe ligjin me ndryshime për Dhomat dhe Prokurorinë e Specializuar në Hagë dhe do të punojmë bashkë për suksesin e ish-krerëve të UÇK-së në apel.
Falënderoj deputetët pjesëmarrës në votim, sikurse edhe kryetarin Hamza që pranoi propozimin. Shumë mund e përpjekje, për kompromisin në fund. Për Republikën e Kosovës! Urime presidentes së re dhe të gjithë qytetarëve!”, ka shkruar Kurti.