Kryeministri në detyrë i Republikës së Kosovës, Albin Kurti, së bashku me kolegë dhe bashkëpunëtorë, bëri homazhe te varri i heroit Bahri Fazliu, në kompleksin e varrezave të dëshmorëve në lagjen Velania në Prishtinë.

Duke kujtuar dhe nderuar figurën e tij, kryeministri në detyrë Kurti tha se kombi shqiptar ka Bahri Fazliun, jo vetëm një luftëtar të orëve të para të përpjekjeve çlirimtare, por edhe shembullin e një intelektuali të ri, e një kritiku të angazhuar, e një poeti romantik, e një drejtuesi të gazetës dhe gjithashtu një organizatori e ideatori njëkohësisht të strategjisë çlirimtare, përmes organizimit të popullit.