Deputetët e Kuvendit të Kosovës me 81 vota kanë zgjedhur presidente të Kosovës, Justina Shiroka-Pula, e cila u propozua për presidente nga kryeministri Albin Kurti, disa orë para skadimit të afatit për zgjedhjen e presidentit më 6 tetor.
Paraprakisht, Kuvendi miratoi në lexim të dytë ndryshimet në Ligjin për Dhomat e Specializuara.
Kryetari i Partisë Demokratike të Kosovës (PDK), Bedri Hamza, tha se emri i Justina Shiroka-Pulës është i pranueshëm për këtë post. Shiroka-Pula është ekonomiste dhe akademike, gruaja e parë që udhëheq Akademinë e Shkencave dhe Arteve të Kosovës (ASHAK), institucion i themeluar më 1975.
Presidentja e sapozgjedhur e Kosovës, Justina Shiroka-Pula, tha se e pranon “me përgjegjësi” detyrën e re dhe u zotua se do të jetë presidente e të gjithë qytetarëve të Kosovës.