Dy futbollistët e FC Prishtinës, Rin Ahmeti dhe Lorik Mehmeti, janë ftuar nga Përfaqësuesja U19 e Kosovës për ndeshjet kualifikuese të Kampionatit Evropian.

Lajmin e ka bërë të ditur klubi prishtinas përmes një postimi në rrjetet sociale, duke njoftuar se dy lojtarët e tij do të jenë pjesë e Dardanëve të rinj në këtë angazhim ndërkombëtar.

Përfaqësuesja U19 e Kosovës, nga 11 deri më 17 nëntor, do të zhvillojë tri ndeshje në Skoci, ku do të përballet me Belgjikën, Skocinë dhe Kazakistanin.

FC Prishtina i ka vlerësuar këto ftesa si dëshmi të punës dhe angazhimit të futbollistëve, duke u uruar suksese dy lojtarëve në përfaqësimin e Kosovës.