Takim vëllazëror në selinë e Aleancës me kryetarin e BDI-së, Ali Ahmeti, i cili u prit nga nënkryetarët Ardian Gjini dhe Besnik Tahiri, si dhe nga anëtari i kryesisë, Daut Haradinaj.

Gjatë takimit u vlerësua lart kontributi i z. Ahmeti në të gjitha proceset që kanë kaluar shqiptarët në Ballkan që nga vitet ’90, si dhe roli i tij në forcimin e faktorit politik shqiptar në rajon.

U diskutuan zhvillimet e fundit politike në Kosovë dhe në rajon, me theks të veçantë në rëndësinë e forcimit të faktorit politik shqiptar në të gjitha hapësirat ku jeton kombi ynë.