Nga Smajl Latifi, kryetar i Rahovecit

Kolegu e miku im, Ardian Gjini, vjen si një kandidat me peshë të dëshmuar në çdo nivel të angazhimit publik. Nënshkrues i Deklaratës së Pavarësisë, ai është i shkolluar mirë, inteligjent dhe thellësisht i përgatitur, i njeh temat në detaje dhe vepron me siguri e qartësi.

Përvoja e gjatë në politikë, po ashtu si deputet në Kuvendin e Kosovës, i ka dhënë njohje të plotë të proceseve shtetërore dhe vendimmarrjes strategjike. Ka shërbyer edhe si ministër i Mjedisit dhe Planifikimit Hapësinor, ku ka trajtuar çështje kyçe të zhvillimit të qëndrueshëm dhe të menaxhimit të territorit me përgjegjësi dhe profesionalizëm. Në krye të komunës, ai ka sjellë rezultate konkrete dhe të matshme. Transformimi i Gjakovës gjatë mandatit të tij është dëshmi e qeverisjes efektive, investime në infrastrukturë, rregull urban, përmirësim të shërbimeve dhe zhvillim ekonomik lokal që ndihet në jetën e përditshme të qytetarëve.

Komunikimi i mirë me partnerët ndërkombëtarë dhe aftësia për të ndërtuar besim e bashkëpunim, e bëjnë përfaqësues serioz të Kosovës edhe jashtë vendit.

Ai është i afërt me qytetarin, i thjeshtë në komunikim dhe modest në paraqitje, me përmbajtje të fortë dhe vizion të qartë për zhvillimin e vendit, si dhe kapacitet për ta kthyer atë vizion në rezultate.

Kosova ka nevojë për udhëheqje të qëndrueshme, për dije dhe për vendime që prodhojnë zhvillim real. Aleanca, me në krye me Ardian Gjinin, është zgjedhja e duhur.