Albulena Haxhiu ka njoftuar se sonte, në sallën “Shani Nushi” në Gjakovë, është mbajtur tubimi për prezantimin e listës së kandidatëve të Lëvizja VETËVENDOSJE! për zgjedhjet.

Sipas saj, lista përbëhet nga 110 kandidatë, prej të cilëve 39 janë vajza dhe gra, duke reflektuar përkushtimin për barazi dhe përfaqësim dinjitoz.

Haxhiu theksoi se kandidatët vijnë nga të gjitha qytetet e Kosovës dhe përfaqësojnë profesione e fusha të ndryshme, duke sjellë përvojë, integritet, profesionalizëm dhe energji të re për zhvillimin e vendit.

Ajo shtoi se numri 116 mbetet zgjedhja për qytetarët që kërkojnë vazhdimin e punës për zhvillim, drejtësi dhe përfaqësim serioz.

Postimi i saj:

Sonte, në sallën “Shani Nushi” në Gjakovë mbajtëm tubimin madhështor për prezantimin e listës së kandidatëve të Lëvizjes VETËVENDOSJE!

Kjo listë fituese përbëhet nga 110 kandidatë, prej të cilëve 39 janë vajza dhe gra, duke reflektuar kështu përkushtimin tonë për barazi dhe përfaqësim dinjitoz.

Kandidatët vijnë nga të gjitha qytetet tona dhe përfaqësojnë fusha dhe profesione të ndryshme, duke sjellë përvojë, integritet, profesionalizëm dhe energji të re për zhvillimin dhe përparimin e Republikës.

Numri 116 mbetet zgjedhja e duhur për qytetarët që kërkojnë vazhdimin e punës për zhvillim e drejtësi, si dhe për përfaqësim të denjë e serioz.