Kryetari i Komunës së Mitrovicës, Faton Peci, bëri të ditur se ka nisur instalimi i kamerave të sigurisë publike.

“Komuna e Mitrovicës do të jetë komunë e sigurt. E filluam nga objekti i komunës, e deri në fund të këtij viti do të vazhdojmë shtrirjen e instalimit të kamerave në gjithë qytetin. Paradoksalisht, Mitrovica, me nivel të lartë të rrezikshmërisë që ka pasur në të kaluarën, nuk ka kamera të sigurisë.
Siguria e qytetarëve në radhë të parë. Çdo ditë në shërbim të qytetit dhe të qytetarëve”, ka njoftuar ai.