Kryetari i Skenderajt, Sami Lushtaku, i ka reaguar kryeministrit në detyrë Albin Kurti, ku ky i fundit tha se një vit më parë “Kryetari i Komunës së Skenderajt me veturë zyrtare ka synuar të bëjë ndeshje komunikacioni me eskortën zyrtare”.

“Albin Kurti po vazhdon me gënjeshtra e shpifje publike duke pretenduar rrejshëm për një “tentativë sulmi me makinë” në Skenderaj gjatë vitit të kaluar nga ana ime. Për këtë rast ekziston raport zyrtar policor dhe pamje të kamerave të sigurisë, ku është konstatuar se nuk ka pasur asnjë lloj rreziku të sigurisë në komunikacion dhe rasti është mbyllur nga organet kompetente”, ka shkruar në ‘Facebook’ Lushtaku.

Ai ka theksuar se meqë Kurti po vazhdon me shpifje e sulme ndaj tij, nga nesër do të iniciojë padi për këtë çështje.

“Albin, pas 6 vitesh në pushtet, Kosovës nuk i le asnjë projekt madhor, por vetëm propagandë, përçarje dhe viktimizim politik.
Mjaft më!”, ka shkruar Lushtaku.