Prorektorja për ndërkombëtarizim, prof. Rozafa Basha, priti sot profesoreshën amerikane Kumni Yu Danico nga Universiteti i Havait në Mānoa, e cila po qëndron në Universitetin e Prishtinës në kuadër të programit Fulbright.
Prof. Danico, e cila drejton Qendrën e Historisë Orale në Universitetin e Havait, do të zhvillojë punëtori, ligjërata dhe punë praktike mbi historinë orale gjatë dy javëve të ardhshme, së bashku me asistentin Oktaj Hasani.
Gjatë takimit u diskutua për bashkëpunim të të dy universiteteve nëpërmjet programeve COIL dhe Fulbright HEIs, si dhe u prezantuan programet në gjuhën angleze të UP-së për studentët ndërkombëtarë.