Drejtori ekzekutiv i Institutit të Kosovës për Drejtësi (IKD), Ehat Miftaraj, ka reaguar pasi kryetarja e Kuvendit, Albulena Haxhiu, e shpalli të konstituuar legjislativin pavarësisht se nuk është zgjedhur nënkryetari nga PDK-ja.

Ai tha se kryeministri në detyrë, Albin Kurti, sapo bëri shkelje të re kushtetuese, përmes Albulena Haxhiut, si kryetare e Kuvendit.

“Kuvendi nuk u konstituu. Albin Kurti permes Albulena Haxhiut vetem e thelloi krizen institucionale permes nje shkelje te re kushtetuese.”, ka shkruar Miftaraj në ‘Facebook’.