Zv/ministri i Drejtësisë padit shefin e GP të PDK-së për shpifje

Zëvendësministri i Drejtësisë, Vigan Qorrolli, ka dorëzuar padi ndaj Shefit të Grupit Parlamentar të PDK-së, Abelard Tahiri.

Sipas një njoftimi që i dyti i Drejtësisë e bëri në Facebook, thuhet se padia ka të bëjë me, siç thotë Qorrolli, një deklarim të Tahirit në lidhje me propozimin për gjyqtar të tij nga PDK-ja.

Padia për shpifje është ngritur në Gjykatën Themelore në Prishtinë.

Postimi i tij:

Sot, ne Gjykaten Themelore ne Prishtine, i shoqeruar nga avokati im, Genc N. Kadriu, e kam dorezuar Padine per Shpifje, ndaj abelard tahirit, shefit shpifes te grupit parlamentar te pdk.

Çapaçuli shpifes do duhet t’i tregoj tashme gjykates dhe permes saj tere opinionit publik — sesi une jam propozuar per gjyqtar nga benjaminet e tij politik te bashkeqeverisjes.

I ftoj mediat qe ta percjellin diteve ne vijim seancen gjyqesore — me rastin e caktimit te mases se sigurise per ndalimin e shpifjeve kundrejt personit tim nga nje shpifes ordiner si i padituri ne fjale.