Zgjedhjet në Kosovë, Lubonja: Fitorja e Kurtit dhe Vetëvendosjes ishte e pritshme

Analisti Fatos Lubonja, i ftuar në studion e “Open” në News24, ka komentuar rezultatet e zgjedhjeve në Kosovë, ku Lëvizja Vetëvendosje e Albin Kurtit doli fituese.

“E prisja fitoren e Albin Kurtit në zgjedhjet në Kosovë. Negativja që shoh unë është polarizimi i forcave politike, duke marrë parasysh kontekstin ndërkombëtar të Kosovës,” tha Lubonja.

Ai theksoi se zhvillimet politike në Kosovë duhet të analizohen edhe në funksion të situatës globale, veçanërisht pas rikthimit të Donald Trump si president i SHBA-ve.