Me rastin e 19-vjetorit të rënies në detyrë të pjesëtarit të Policisë së Kosovës, Triumf Riza, është mbajtur sot një ceremoni përkujtimore në Prishtinë, gjatë së cilës është zbuluar lapidari në nderim të jetës, veprës dhe sakrificës së tij.

Në ceremoninë e mbajtur në prani të familjes Riza, drejtuesve institucionalë, pjesëtarëve të Policisë së Kosovës dhe të ftuarve të tjerë, u nderua kujtimi për Triumf Rizën, si dhe për të gjithë pjesëtarët e Policisë së Kosovës që kanë rënë në krye të detyrës.

Lapidari i ngritur në nderim të Triumf Rizës synon të mbetet simbol i kujtimit dhe mirënjohjes për sakrificën e tij në shërbim të qytetarëve dhe vendit.

Emri dhe vepra e Triumf Rizës mbeten të përjetshme në kujtesën e Policisë së Kosovës dhe të qytetarëve të vendit.