Gjithçka është gati për përballjen mes Zvicrës dhe Kolumbisë në 1/8 e finales së Kupës së Botës, me të dyja kombëtaret që kanë zbuluar formacionet zyrtare për ndeshjen që nis në orën 22:00.
Trajneri i Zvicrës Murat Yakin, i ka besuar sërish Granit Xhakës në mesfushë, ndërsa nga minuta e parë do të luajë edhe Ardon Jashari.
Për këtë të fundit, është hera e parë që e nis si titullar një ndeshje në një Kampionat Botëror.
Formacioni i Zvicrës: Kobel, Zakaria, Elvedi, Akanji, Rodriguez, Xhaka, Freuler, Jashari, Ndoye, Rieder, Embolo.
Formacioni i Kolumbisë: Vargas, Muñoz, Sanchez, Lucumí, Mojica, Arias, Lerma, Puerta, Rodriguez, Suarez, Diaz.
Fituesi i kësaj përballjeje do të sigurojë një vend në çerekfinale, ku e pret Argjentina, e cila më herët eliminoi Egjiptin pas një përmbysjeje dramatike me rezultat 3:2.