Vuçiq: Kam paralajmërime se Kosova do të ndalojë qarkullimin e dinarit serb

Presidenti i Serbisë, Aleksandar Vuçiq, në Davos të Zvicrës tha se paralajmërimet e fundit të Prishtinës po rrezikojnë procesin e normalizimit dhe dialogun.

Vuçiq tha se nga “Prishtina ka paralajmëruar se do të anulohet transaksioni i pagesave me Serbinë qendrore, përdorimi i dinarit dhe po ashtu do të bastiset Banka e Kursimeve Postare”.

“Detyra ime është të kujdesem për popullatën serbe dhe paqen rajonale. Nga Prishtina morëm një njoftim se janë të gatshëm ta shqyrtojnë anulimin e transaksioneve të pagesave me Serbinë qendrore, ta ndalojnë përdorimin e dinarit dhe të bastisin Bankën e Kursimeve Postare. Kjo jo vetëm që na shqetëson, por edhe vë në pikëpyetje të gjitha proceset e normalizimit dhe dialogun”, tha Vuçiç sipas “TV Pink”.