Ministria e Bujqësisë, Pylltarisë dhe Zhvillimit Rural, i ka publikuar rezultatet e mostrave të qumështit në Kosovë, raporton Klankosova.tv

Gjatë konferencës, ministri në detyrë, Armend Muja, ka deklaruar se bazuar në të dhënat që janë marrë nga fermerët, qumështorja “Vita”, prin në listën e grumbullimit të qumështit.

“Në bazë të të dhënave që i disponon AUV-i në tri vitet e fundit, rreth 9.5 milionë litra mesatarisht i merr qumështorja Vita”, ka thënë Muja, duke përmendur më pas edhe përpunuesit e tjerë të këtij produkti.

Ai ka thënë se këto të dhëna janë marrë nga fermerët.

“Kështu duket struktura se ku e dërgon fermeri qumështin bazuar në rezultatet që i kemi. Kështu na i raportojnë fermerët dhe pikat grumbulluese”, ka shtuar ai.