Veprime të shtuara policore në parandalimin e ngasjes së mjetit nën ndikim të alkoolit

Në kuadër të zbatimit të planit operativ “Fundi i vitit 2023 – fillimi i vitit 2024”, veprimet policore janë duke vazhduar dhe po realizohen në fusha të ndryshme.

Pjesë e këtyre veprimeve parandaluese dhe sensibilizimi janë edhe aktivitetet të shtuara në trafikun rrugor në parandalimin e ngasjes së mjetit nën ndikimin e alkoolit.

Në zonën e përgjegjësisë së Drejtorisë Rajonale në Mitrovicën e Jugut, në të gjitha akset rrugore janë shtuar kontrollet, me theks të veçantë për pjesëmarrësit në trafik të cilët drejtojnë automjetet nën ndikim të alkoolit.

Përveç kontrolleve, matjeve me alkool-test dhe masave ndëshkimore, policia për pjesëmarrësit në trafikun rrugor po shpërndahen fletushka me porosi vetëdijesimi/sensibilizimi për rrezikun dhe pasojat e ngasjes se mjetit nën ndikim të alkoolit.

Shpërndarja e fletushkave do të vazhdojë gjatë ditëve të festave të fundvitit shoqëruar me masa tjera ligjore.

Policia, apelon tek të gjithë pjesëmarrësit në trafikun rrugor, me qëllim që të mos rrezikojnë veten dhe pjesëmarrësit tjerë, t’u përmbahen rregullave të përcaktuara me ligjin për sigurinë në trafik.