Vazhdon projekti për siguri në shkolla

Të gjitha stacionet policore të rajonit të Prishtinës janë duke realizuar takime me përfaqësues të shkollave, prindër si dhe ligjërata për nxënësit nëpër shkolla.

Ligjëratat me nxënës, janë pjesë e projekteve informuese, parandaluese dhe edukuese që kanë rëndësi të veçantë për ruajtjen dhe mbrojtjen e komunitetit nga dukuritë asociale si dhe për ofrimin e bashkëpunimit të ndërsjellë.

Bazuar në planifikimet në kuadër të stacioneve do të vazhdojnë ligjëratat rreth delikuencës së të miturve, rregullave të trafikut, dhunës në familje, pasojat e përdorimit të narkotikëve, bullizmit dhe masave parandaluese, ngacmimeve seksuale etj.