Presidenti i Komitetit Olimpik të Kosovës, Ismet Krasniqi, sekretari Besim Aliti, nënkryetarët Milaim Kelmendi dhe Arben Fetahu morën pjesë në mbledhjen e Komitetit Organizativ për Lojërat Mesdhetare Prishtina 2030, të kryesuar nga kryeministri në detyrë Albin Kurti.

Gjatë këtij takimi u diskutua për koordinimin e aktiviteteve dhe përgatitjeve ndërinstitucionale për organizimin e Lojërave Mesdhetare Prishtina 2030.

Pjesëmarrësit theksuan rëndësinë e bashkëpunimit të ngushtë ndërmjet institucioneve, me synimin që përgatitjet të zhvillohen sipas planit dhe standardeve të kërkuara për organizimin e kësaj ngjarje të nivelit të lartë.

#Prishtina2030