Mbrojtësi i Kombëtares së Kosovës, Mërgim Vojvoda, ka zgjuar interesimin e disa klubeve pas paraqitjeve të mira me Comon, ndërsa Udinese ka bërë tashmë lëvizjen e parë zyrtare për transferimin e tij.

Sipas raportimeve të gazetarit italian Gianluca Di Marzio, klubi nga Serie A ka dërguar një ofertë prej 1 milion eurosh për kartonin e Vojvodës, transmeton Klankosova.tv.

Megjithatë, Como e ka konsideruar këtë shumë të pamjaftueshme dhe nuk ka dhënë dritën jeshile për transferimin.

Në anën tjetër, Udinese i ka ofruar mbrojtësit kosovar një kontratë trevjeçare, nga e cila ai do të përfitonte 1.1 milionë euro neto në sezon.

Udinese e dëshiron Mërgim Vojvodën dhe ka dërguar ofertë zyrtare prej 1 milion eurosh për lojtarin. Como aktualisht e konsideron këtë ofertë si shumë të ulët. Për lojtarin, propozimi është kontratë trevjeçare në vlerën e 1.1 milionë eurove për sezon”, ka raportuar Di Marzio.

Vojvoda pati një sezon të suksesshëm me Comon, duke dhënë kontribut të rëndësishëm në suksesin e skuadrës së drejtuar nga Cesc Fàbregas, e cila siguroi pjesëmarrjen në Ligën e Kampionëve.

Për momentin mbetet e paqartë nëse 30-vjeçari do të pranojë kalimin te Udinese, pasi qëndrimi te Como do t’i jepte mundësinë të realizojë ëndrrën për të luajtur në fazën më prestigjioze të futbollit evropian për klube, Ligën e Kampionëve.