U19 | Kosova shkëlqen kundër Maltës

Kombëtarja e U19 e Kosovës për vajza ka shënuar fitore bindëse 6:0 kundër Maltës, në ndeshjen e parë të raundit të dytë të Ligë, e cila po zhvillohet në Maltë nga data 1 deri më 7 prill.

Kosova U19 është pjesë e Grupit B3, së bashku me Letoninë, Kazakistanin dhe Maltën. Kjo fitore i jep një hap të sigurt në drejtim të objektivave të ekipit për të siguruar rikthimin në Ligën A për edicionin e ardhshëm kualifikues.

Në këtë fitore të thellë, shkëlqeu Elona Paci që realizoi hat-trick. Paci realizoi golin e parë të ndeshjes në minutën e 21-të, ndërsa tre minuta pas golit të dytë të shënuar nga Olsa Maqastena (39’), ajo shënoi dhe golin e saj të dytë (42’).

Riga Kallaba e çoi rezultatin në 4:0 në minutën e 57-të, derisa Elona Paci shënoi golin e tretë në minutën e 70-të. Serinë e golave e mbylli Besjana Zogaj, me golin e minutës e 89-të.

Ndeshjen e radhës Dardanet U19 e zhvillojnë më 4 prill kundër Kazakistanit, në orën 11:00, derisa më 7 prill ballafaqohen me Letoninë, në orën 14:30.