U mbajt dëgjimi buxhetor me qytetarët e Rahovecit, me fokus qumështarët

Cikli i dëgjimeve buxhetore në Rahovec ka vazhduar me qumështarët, në objektin e grumbullimit të qumështit në Ratkoc, për t’i mbledhur kërkesat dhe nevojat mbi buxhetin e vitit 2025.

Kryetari komunës, Smajl Latifi, paraqiti informacionet kyçe lidhur me planifikimin dhe menaxhimin e buxhetit të komunës, si dhe drejtori i financave, Afrim Limani shpalosi në mënyrë më të detajuar buxhetin e Komunës së Rahovecit për vitin 2025.

Buxheti i Komunës së Rahovecit për vitin 2025 do të jetë në vlerë: 20.982.000 euro.

Kërkesat që u parashtruan ishin: Fermerët e komunave tjera a mund të përfitojnë nga subvencionimi i komunës së Rahovecit; Në cilën formë bëhet subvencionimi; Cilat janë kriteret dhe forma e aplikimit për subvencionim.

Në vazhdën e debatit pati edhe biseda interaktive të përgjithshme rreth kërkesave të ndryshme;

Grupi punues do t’i shqyrtojë pyetjet dhe kërkesat dhe në raportin final do t’i gjeni me arsyetime të sakta, i cili do të publikohet në ueb-faqen zyrtare të Komunës së Rahovecit.