U largua nga Siria, al-Assad dhe familja e tij marrin azil politik në Moskë
Presidenti i rrëzuar sirian Bashar al-Assad dhe familja e tij kanë mbërritur në Moskë, raportojnë agjencitë shtetërore ruse të medias, duke cituar burime në Kremlin.
Raportet thonë gjithashtu se Assadi dhe familja e tij kanë marrë azil politik nga Rusia.
“Assad dhe familja e tij kanë mbërritur në Moskë. Rusia, për arsye humanitare, u ka dhënë atyre azil”, tha burimi i Kremlinit, sipas TASS.
Rebelët sirianë kanë marrë kontrollin e kryeqytetit, Damask, pasi ditëve të fundit kanë kryer një ofensivë.
Rusia ka disa ndërtesa ushtarake në Siri, përfshirë bazën ajrore në Hmeimim dhe një bazë strategjike detare në Tartus, baza që janë përdorur po ashtu për të mbështetur veprimet e Kremlinit në Afrikë.