Presidenti amerikan, Donald Trump, ka thënë të mërkurën se Shtetet e Bashkuara do ta sulmojnë Iranin “shumë ashpër”, nëse nuk finalizohet një marrëveshje për t’i dhënë fund luftës tremujore.

“Ne do t’i sulmojmë ata, do t’i sulmojmë shumë fort”, u tha Trump gazetarëve në Shtëpinë e Bardhë, duke shtuar se Republika Islamike do të goditej pikërisht të mërkurën.

Komentet e tij erdhën një ditë pasi Irani rrëzoi një helikopter të ushtrisë amerikane në Ngushticën e Hormuzit. Në përgjigje, Shtetet e Bashkuara thanë se më 9 qershor kishin kryer sulme “për t’u vetëmbrojtur” kundër Iranit.

Nga ana e tij, Irani njoftoi të mërkurën se kishte goditur baza amerikane në rajon, si kundërpërgjigje ndaj sulmeve amerikane, raporton Rel.