Tirana fitore spektakolare në derbin ndaj Dinamo City

Tirana triumfoi me përmbysje ndaj Dinamos me rezultatin 2-3, në sfidën e vlefshme për javën e 19-të në Superiore.

Dinamo kaloi në avantazh me Zabërgja në minutën e 25-të, ndërsa menjëherë në fillim të pjesës së dytë, ishte Andoni që dyfishoi shifrat, me një gol të bukur nga jashtë, pas daljes së portierit.

Megjithatë Tirana nuk u dorëzua dhe ngushtoi shifrat në minutën e 57-të, me golin e Hoxhallarit. Vetëm dy minuta më vonë, ishte Deliu, i cili vendosi baraspeshën.

Në minutën e 80-të, Kaina, i sapo futur në fushë, fiton penallti, e cila u shndërrua në gol nga Latifi, që përmbysi rezultatin në 2-3.

Me këtë fitore, Tirana ngjitet në kuotën e 29 pikëve në vendin e tretë, ndërsa Dinamo City mbetet në vendin e pestë me 22 pikë.