Ter Stegen për rikthimin në Barcelonë: “Nëse ndihem mirë do të flas me Flick”

Portieri i Barcelonës, Marc-Andre ter Stegen duket se është në fazat e fundit të rikuperimit të tij, pas këputjes së ligamenteve në gju në shtator.

Pas një operacioni dhe gjashtë muajsh rehabilitimi, ter Stegen së fundmi u rikthye në stërvitje me pjesën tjetër të skuadrës dhe tani ka lindur pyetja nëse ai do të luajë sërish këtë verë.

“Vetëm një portier mund të luajë”, tha ter Stegen për Sport, transmeton Klankosova.tv

Ai vazhdoi të thoshte se nëse ndihet mirë do të fliste me menaxherin Hansi Flick për një rikthim të mundshëm.

“Nuk është koha e duhur për të folur për këto gjëra. Thjesht shpresoj që skuadra të vazhdojë në të njëjtën rrugë dhe të kualifikohet në gjysmëfinalet e Champions League. Kanë mbetur shumë pak ndeshje në shumë pak ditë. Të gjithë shpresojmë që suksesi të vijë. Tani është koha për të përfunduar rikuperimin dhe për t’u rikthyer në dinamikën e grupi”, tha Ter Stegen. / Klankosova.tv