Ngritja e temperaturave pos efekteve pozitive mund të ketë edhe ato negative.

Mjeku Rushit Ismajli, ka folur në “Ora Shtatë” në Klan Kosova se si të ruhemi ndaj temperaturave të larta, sidomos fëmijet, gratë shtatzëna e të moshuarit.

“Këto kategori duhet të kenë shumë kujdes, në kuptimin që vetëm nëse kanë shumë nevoja të dalin në pikun e ditës për të kryer ndonjë aktivitet çfarëdo qoftë ai”, tha Ismajli në Klan Kosova.

Mjeku këshilloi që të veshin rroba me ngjyra të çelëta, të konsumojnë sasi të mjaftueshme të ujit, njofton Klankosova.tv.

Sipas tij, ata që kanë aktivitet të shtuar ditor duhet të pijnë 3 e deri në 4 litra ujë në ditë.