Për shkak të temperaturave të larta që po mbizotërojnë, qytetarët këshillohen të tregojnë kujdes të shtuar gjatë qëndrimit në ambiente të hapura, me qëllim të reduktimit të rrezikut nga i nxehti.

Rekomandohet të shmanget qëndrimi dhe aktivitetet në ambiente të hapura, veçanërisht gjatë orëve më të nxehta të ditës.

Po ashtu, qytetarët këshillohen të qëndrojnë sa më shumë në vende me hije, të mbrojnë kokën dhe fytyrën me kapelë, të përdorin syze dielli dhe krem mbrojtës për lëkurën, si dhe të konsumojnë ujë rregullisht gjatë gjithë ditës për të shmangur dehidratimin.

Respektimi i këtyre masave ndihmon në parandalimin e pasojave që mund të shkaktohen nga temperaturat e larta.