Shefi i Grupit Parlamentar i Aleancës për Ardhmërinë e Kosovës, Besnik Tahiri, tha se kryeministri i Kosovës, Albin Kurti nuk i ka numrat për zgjedhjen e presidentit.

Sipas tij, nëse Kurti nuk i ka numrat, emrat e kandidatëve duhet të vijnë nga partitë opozitare.

Kërkesa e kryeministrit Kurti, për pranimin e një kandidate nga Lidhja Demokratike e Kosovës, është “tendencë për bartjen e fajit nga njëra anë në anën tjetër”, tha Tahiri në një konferencë për media.