Skocia po shton 18 milionë euro në buxhetin e saj të kulturës për vitin 2024

Qeveria e Skocisë po rrit buxhetin e saj për iniciativat kulturore vitin e ardhshëm, si pjesë e një shtytjeje kombëtare për të investuar më shumë në art.

Qeveria publikoi buxhetin e saj 2024-2025 të mërkurën, duke njoftuar një rritje të fondeve për kulturën dhe trashëgiminë prej 18.2 milion euro, shkruan Euronews.

Rritja e buxhetit shënon hapin e parë drejt objektivit të qeverisë për të rritur financimin e artit me të paktën 115.4 milionë euro gjatë pesë viteve të ardhshme.

Njoftimi i buxhetit u prit me ndjenja të përziera nga ekspertë të industrisë – me disa që thanë se rritja ishte shumë modeste për të bërë një ndryshim.

Udhëheqësit në industrinë e artit dhe kulturës të Skocisë kanë paralajmëruar vazhdimisht se sektori përballet me një krizë të paprecedentë financiare, të nxitur nga rritja e kostove dhe financimi i bllokuar publik, që mund të kërcënojë vetë ekzistencën e tij.