Siguria, temë kyçe në takimin e Barduanit me ambasadorët e shteteve kontribuuese në KFOR

Gjeneralmajor Enrico Barduani, komandant i misionit të KFOR-it, ka pritur ditën e sotme ambasadorët dhe shefat e misioneve nga 29 vendet aleate dhe partnere që kontribuojnë me trupa në KFOR, në Shtabin e KFOR-it, në kampin “Film City”.

Siç njofton KFOR-it, diskutimi u fokusua në një sërë temash, duke përfshirë situatën e sigurisë dhe aktivitetet aktuale të misionit dhe bashkëpunimin me komunitetin ndërkombëtar.

“I vë theks të lartë unitetit të përpjekjeve dhe unitetit të qëllimit, në mënyrë që së bashku të kontribuojmë për sigurinë e qëndrueshme në mbarë Kosovën dhe për sigurinë rajonale”, tha komandanti i KFOR-it, raporton Klankosova.tv.